ҚР Президенті Ақтөбе рельс-арқалық зауытының жұмысшыларымен кездесті
4 Қазан, 2017 16:04
Қазақстан Президенті Нұрсұлтан Назарбаев «Ақтөбе рельс-арқалық зауыты» жауапкершілігі шектеулі серіктестігіне барды, деп хабарлады Ақорданың баспасөз қызметі.
Елбасы мемлекеттік индустриялық-инновациялық даму бағдарламасы аясында іске қосылған рельс-арқалық зауыттың жұмысымен танысты.
Бұдан бөлек, Мемлекет басшысына зауыт өнімін алыс және таяу шет елдерге, соның ішінде Өзбекстанға, Түрікменстан мен Әзербайжанға экспорттаудың қазіргі жағдайы туралы баяндалды.
Соңында Нұрсұлтан Назарбаев зауыт жұмысшыларымен кездесіп, оларға жемісті еңбек пен кәсіби табысқа жетуге тілектестік білдірді.
Зауыт өз өнімімен «Қазақстан темір жолы» ұлттық компаниясы» акционерлік қоғамын қамтамасыз етеді. Кәсіпорынның өндірістік қуаты – жылына 430 мың тонна өнім.
