Сенаторлар ЕҚЫҰ ПА-ның күзгі сессиясына қатысты
4 Қазан, 2017 17:14
Парламент Сенатының депутаттары Д.Құсдәулетов және М.Бортник құрамына енген Қазақстан Республикасының парламенттік делегациясы 2017 жылғы 3-5 қазанда Андоррадағы Андорре-ла-Велья қаласындағы ЕҚЫҰ Парламенттік Ассамблеясының күзгі отырысына қатысуда.
Сенаттың баспасөз қызметі хабарлағандай, шара аясында Қазақстан Парламенті Сенатының депутаттары Жерорта теңізі форумының жұмысына, сондай-ақ киберқауіпсіздік, экологиялық қауіпсіздік және білім беру мәселелерін талқылауға арналған «ЕҚЫҰ аймағындағы қауіпсіздік: жаңа қатерлер, жаңа міндеттер» парламенттік конференциясына қатысты.
