МЖӘ аясындағы мемлекеттік қолдау шаралары туралы (ВИДЕО)
3 Қазан, 2017 18:28
ҚР денсаулық сақтау министрінің экономикалық мәселелер жөніндегі кеңесшісі Анар Мүсірепова ОКҚ-да өткен баспасөз конференциясы барысында мемлекеттік-жеке меншік әріптестік аясындағы мемлекеттік қолдау шаралары туралы айтып берді.
«МЖӘ заңнамасы аясында жеке меншік әріптес шығындарын өтеу көздерінен мемлекеттік қолдау шараларының кең спектрі көзделген. Атап айтқанда, бұл мемлекеттік кепілдіктер, тұтыну кепілдіктері, бірігіп қаржыландыру, заттай кепілдіктер болуы мүмкін. Өтеу көздеріне басқару үшін төлемдер, инвестициялық шығындар өтемі жатуы мүмкін. Әрбір нақты мәселеде мемлекеттік қолдау шаралары мен өтеу көздерінен қандай комбинациясы қолданылатыны жобаны дайындау барысында шешіледі», - деп атап өтті А. Мүсірепова.
Сарапшы айтып өткендей, жобалар заңнамаға сәйкес екі деңгейге бөлінеді: ұлттық және жергілікті.
Видео Азамат Әлиев
