Қарағанды облысында дәнді-дақылдар мен картоп жинау науқаны аяқталды
4 Қазан, 2017 09:13
Аймағымызда дәнді-дақылдар мен картоп жинау жұмыстары тәмамдалды. Көкөністерді жинау науқаны аяқталуға жақын. Ол жайлы ауылшаруашылық басқармасының жетекшісі Юржан Бекқожин мәлімдеді.
«Облыста дәнді-дақылдарды жинау толығымен аяқталды. Биылғы жылы 780 мың тонна дақыл орылды. 8 375 га аумақтан картоп жиналды - ол дегеніміз 100 пайыз», - деді облыстық ауылшаруашылық басқармасының басшысы Юржан Бекқожин.
Биылғы жылы дәнді-дақылдардың орташа өнімділігі бір гектардан 10,1 центнерді құрады.
Қарқаралы ауданында көкөніс жинау жалғасып жатыр. Әлі де жүз гектар жерден өнім жинау керек. Бұл жұмыстар алдағы күндері аяқталуы тиіс.
