Отандық телеарналар таратылымдарының 1 пайызын әлеуметтік роликтерге бөледі – ҚР АКМ

3 Қазан, 2017 10:34

Астанада ақпарат, ақпараттық коммуникациялық теxнологиялар және мемлекеттік қызметтерді көрсету салаларын дамыту мәселелері бойынша Қоғамдық кеңестің кезекті отырысы өтті.

Ақпарат және коммуникация министрлігінің баспасөз қызметі хабарлағандай, Қоғамдық кеңес отырысында БАҚ саласындағы мемлекеттік тілдің қолданысы, "Ашық үкімет" порталының дамуы және басқа да мәселелер талқыланды.

Отандық телеарналар таратылымдарының 1 пайызын әлеуметтік роликтерге бөледі.

«Әлеуметтік жарнамаларды қалыптастыру және орналастыру ережесі телеарна таратылымның айлық жалпы көлемінің 1 пайызын әлеуметтік жарнамаға арналуын көздейді. Біздің есептеуімізше, бұл шамамен күніне 10 таралымды құрайды. Күніне кешке қарай екі рет көрсетуді қарастырдық. Яғни, сағат кешкі 6-дан кейін мемлекеттік және орыс тілдерінде бір-бірден әлеуметтік жарнама көрсетіледі», - деді ҚР Ақпарат және коммуникациялар министрлігі БАҚ саласындағы мемлекеттік саясат департаментінің директоры Елдос Нашырәлі.

Ереже аясында орташа ұзақтық шамамен 45 секундты құрайды.

Барлық жаңалықтар