Ақтөбеде жастар үйінің 8 түлегі 2014 жылы пәтерге ие болады

«Облыс басшылығының қолдауымен жетім балалардың баспана мәселесі шешімін тауып келеді. Жақында облыс әкімі Архимед Мұхамбетов жетім және ата-аналарының қамқорлығынсыз қалған балаларды баспанамен қамтудың кешенді жоспарына қол қойды. Алдағы 3 жылда 339 бала баспаналы болмақ», - делінген хабарламада.

Хабарламада айтылғандай, өңір басшысы жақында өткен балалар үйінің түлектерімен кездесуінде «Қазақстаннның Тұрғынүйқұрылысжинақбанкіне» қаржы салу сертификатын берген болатын. Әкімнің айутынша, 4 жыл ішінде 73 млн теңге көлемінде демеушілік көмек көрсетілген. Жалпы есепте меценаттардың көмегімен 17 пәтер алынды.

«Бүгінде біз он жарым миллион теңгенің сертификатын тапсырамыз. 2014 жылы 8 екі бөлмелі пәтер тапсырылатын болады. Жетім балаларды тұрғын үймен қамту бағдарламасы екі бағытта жүзеге асырылады. Негізінен бұл жас отбасыларға жалға үй беру бағдарламасы. Сонымен қатар, өздеріңізге де белгілі болғандай, «Қолжетімді баспана-2020» бағдарламасы да жүзеге асырылуда. Біз сіздерді әрдайым қолдаймыз. Ең бастысы, сіздерде жақсы жұмысқа орналасып, елімізге қажетті маман болуларыңыз керек», - деді әкім жастарға.