• Басты
  • Жетіген –Ортақұдық темір жол учаскесі жайлы бола түсті
29 Қыркүйек, 2017 15:58

Жетіген –Ортақұдық темір жол учаскесі жайлы бола түсті

Жетіген –Ортақұдық теміржолшылар телімінің 140 шақырымға жуығында ұзындығы 25 метрлік рельстер 800 метрлік рельс торкөздерімен алмастырылды. Ол арқылы пойыздар дүрсіліссіз бархыттай жайлы жолда сырғып отырады.
Жетіген –Ортақұдық  темір жол  учаскесі  жайлы бола түсті | Strategy2050.kz

«Қазақстан темір жолы» ҰК» АҚ баспасөз қызметі хабарлағандай,  жаңғыртылған жол телімінде жылжымалы құрамның, жолдың үстіңгі қабатының тозығы жетуі төмендеп, магистральдық желіні жөндеуге кететін шығын көлемі азаяды. Құрылыс жұмыстарына негізінен қазақстандық өнімдері, оның ішінде рельстер, темірбетон шпалдары, бағыттауыш бұрмалар қолданылды. Ақтөбе ральс арқалығы зауыты рельсі Луговойға жеткізіліп, рельс торкөздері құрастырылды.

Теміржолшылар мұндай дүрсілсіз жолды бекер бархытты жол деп атамайды. Мұндай жайлы жол телімнің өткізу мүмкіндігін жақсартып, халықаралық транзиттік контейнерлік пойыздардың жылдамдығын арттыруына да ықпал етеді.

«Биылғы маусым айынан бастап бұл телімде №701/702 «Астана-Нұрлы жол- Алматы-Алтынкөл» жүрдек «Тұлпар-Тальго» пойызы қатынайды. Бұл пойыз халықаралық пойыз болып саналады. Себебі, Алтынкөл станциясынан Қытай жағына Үрімші пойызы жалғасады»,-делінген хабарламада.

Жаңа рельстермен жаңғыртуды қажет ететін Жетіген-Алтынкөл теміржол телімінің жалпы ұзындығы 287 шақырымды құрайды.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды