• Басты
  • Елордада үздік мектеп анықталды (ВИДЕО)

Елордада үздік мектеп анықталды (ВИДЕО)

2 Қазан, 2017 09:14
Білім беру саласы қызметкерлерінің кәсіби мейрамы қарсаңында Астана қаласының әкімдігі №3 мектеп-гимназиясын елорданың үздік білім беру макемесі деп атады. Бұл білім ошағының өзгелерден қандай айырмашылығы бар және қандай бақытта жұмыс істеп жатқаны туралы «Strategy2050.kz»АА тілшісіне берген сұхбатында аталмыш мекеменің директоры Елена Шеверняева кеңінен әңгімелеп берді.

«№3 мектеп гимназия елордадағы ескі мектептердің бірі, оған 75 жыл толды. Біз өзіміздің 75-жылдығымызды Астана қаласы әкімінің құрметті белгісімен – грантымен атап өтіп отырғанымызға қуаныштымын. Бұл педагогикалық ұжымның есіл еңбегінің нәтижесі. Біздің балалар түрлі зияткерлік байқауларда, олимпида да көптен бері жүлделі орындардан көрініп келеді және де түрлі шығармашылық, спорттық байқауларда өз өнерлерін ортаға салуда. Біздің мектебіміздің атағы дүркіреп тұр десек болады, бізге көптеген ата-аналар балаларын көргісі келеді.  Бізде екі үлкен бағыт бар – олар тілдер (ағылшын және француз) және информатика. Біздің балалар құлтеміртехнологиясымен белсенді айналысып келеді, республикалық байқауда бірінші орын алған, ендігі кезекте халықаралық байқауға дайындалуда. Менің ойымша бұл біздің еңбегіміздің жемісі және бұдан да биік белестерге жетеміз деген ойдамын», - деп бөлісті мектеп директоры. 

Елена Шеверняеваның айтуынша, елорданың басқа мектептірінің арасында әкімнің грантын жеңіп алу оңайға соққан жоқ.   

«Бүгін байқаудың қорытындысы бойынша комиссияның отырысы өтті. Онда мектептің материалдық базасынан, ҰБТ нәтижелері, ұстаздар құрамы, мектептің жабдықталуына дейін бағаланды. Кім көп ұпай жинайды солар әкімнің грантын алады. Біз бұл қаржыға музыкалық студияға қажетті техниканы, 3D-принтер, спорттық құрал жабдықтар сатып алдық. Енді балаларымыз сабақтан бос кезде фонаграмма жаза алады немесе денсаулықтарын нығайта алады.  Балалар мектепте болуы керек, себебі онда олардың бойына жақсы қасиеттерді сіңіру үшін барынша жағдай жасалады. Менің ойымша ұстазға көңіл толмайтын жағдайлар соншалықты көп емес, ал қалған ұстаздар оған назар аудармай жұмыс істеуде», - деді Е. Шеверняева.

Атап өтер болсақ, мектепте 1700 оқушы білім алуда. Ол аралас мектеп болып табылады, яғни балалар қазақ және орыс тілінде білім алады.

«Ағымдағы жылы 6 «Алтын белгі» шығарылды, талапкерлердің  61% Қазақстанның, таяу және алыс шетелдердің  үздік оқу орындарында білім алуда. Жыл сайын біздің балалар Назарбаев Университетіне түсуде», - деп атап өтті мектеп директоры.  

Естеріңізге сала кетейік, Астана қаласының әкімдігі білім беру жүйесі қызметкерлерінің кәсіби мейрамының құрметіне елорданың үздік білім беру мекемесін марапаттады.

Ақбота Күзекбай

Видео Азамат Әлиев

Барлық жаңалықтар