• Басты
  • Қарағандыда алғаш рет 3D режимде лапароскопиялық ота жасалды
27 Қыркүйек, 2017 18:57

Қарағандыда алғаш рет 3D режимде лапароскопиялық ота жасалды

Қарағандылық дәрігерлер жапондық әріптестерінің тәжірибесін қабылдады. Қарағандыға шеберлік-сынып өткізу үшін Күн шығыс елінен Симанэ университетінің профессоры Йошихиро Носо келді. Шет елдік маманды Қарағанды мемлекеттік медициналық университеті шақыртқан екен.
Қарағандыда алғаш рет 3D режимде лапароскопиялық ота жасалды

Қарағанды облысының  әкімдігі хабарлағандай,  ЖОО-ның Медициналық орталығында қыркүйектің 25-і мен 29-ы аралығында «Хирургия және онкологиядағы инновациялық технологиялар» шеберлік-сыныбы өтеді. Оған интерн-дәрігерлер мен хирургия саласының резиденттері қатысады. 

Лапароскопиялық оталар 3D режимде ең жаңа шет елдік құрылғылармен жасалуда.

«3D экраны бар, іш құрылысының ауқымды бейнесін көрсететін технология қолданылды. Мұндай жабдық кез-келген клиникада бола бермейді. Мен сіздердің құрылғыларыңызға таң қалып отырмын. Сіздердің медициналық орталықтарыңыз өте жақсы жабдықталған», - деп бағалады жергілікті орталықтың жағдайын Йошихиро Носо.

Жаңа технологиялар медицина қызметкерлерінің мүмкіндіктерін кеңейтіп отыр.

«Лапароскопиялық оталардың белгілі-бір шектеулері болады, біз операция барысында органдардың қаншалықты терең орналасқанын көре алмаймыз. Ал 3D режим немесе стерео-режим, былайша айтқанда, бұл кемшілікті жояды деп айтуға болады», - деді ҚММУ № 2 хирургиялық аурулар кафедрасының меңгерушісі Ермек Тұрғұнов. 

 

 

Барлық жаңалықтар