• Басты
  • Дүниежүзілік банк қаржыландырудың жаңа бағдарламасын бастауды жоспарлауда
27 Қыркүйек, 2017 19:32

Дүниежүзілік банк қаржыландырудың жаңа бағдарламасын бастауды жоспарлауда

Оңтүстік Қазақстан облысының әкімі Жансейіт Түймебаев Дүниежүзілік банктің Қазақстандағы тұрақты өкілі Ато Браунмен кездесті. Екіжақты кездесу барысында Оңтүстік Қазақстан мен Дүниежүзілік банк арасындағы ынтымақтастықтың өзекті мәселелері талқыланды.
Дүниежүзілік банк  қаржыландырудың жаңа бағдарламасын  бастауды жоспарлауда

ОҚО әкімінің баспасөз қызметі хабарлағандай,  өңір басшысы Қазақстанның әлемнің бәсекеге қабілетті 30 елінің қатарына кіру бойынша  облыста шағын кәсіпкерлікті жан-жақты қолдау және жаңадан жұмысын бастаған бизнес субъектілерінің бастамаларына қаржылық қолдау көрсету шаралары бағытында тиісті жұмыстар жүргізіліп жатқанын атап өтті.

«Біздің облыс Қазақстандағы халқы тығыз орналасқан аграрлы аймақ. Еліміздегі әр бесінші сәби осы өңірде дүниеге келеді. Оңтүстік Қазақстан облысы шағын және орта кәсіпкерліктің дамуы бойынша облыстар арасында бірінші орында келеді.  Сонымен қатар облысымыз білім беру мен денсаулық сақтау  мекемелер саны жағынан да алда. Ал бұл салада атқарылар жұмыста аз емес. Сондықтан  Дүниежүзілік банкпен алдағы уақытта  да тұрақты жұмыс істеуге әзірміз, - деді әкім.

Оңтүстік Қазақстанға үш күндік жұмыс сапарымен келген мәртебелі мейман өңірде атқарылып жатқан ілкімді істермен танысып шыққанын айтып,  Шымкент қаласын аралау кезінде оның қарқынды дамып келе жатқанына көз жеткізгенін айтты.

«Биыл Дүниежүзілік банк пен Қазақстанның әріптес атанғанына 25 жыл толып отыр. Осы датаны атап өтіп, қаржыландыру бағдарламасының кезекті бес жылдығын қорытындылаймыз. Алдағы уақытта қаржыландырудың жаңа бағдарламасын бастауды жоспарлап отырмыз», - деп қосты Ато Браун.

Кездесу соңында облыс әкімі Жансейіт Түймебаев Дүниежүзілік банктің Қазақстандағы тұрақты өкілі А.Браунға сәттілік пен табыс тіледі.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды