Қазақстанда әскерге баруға ниет білдірушілердің саны өскен (ВИДЕО, ФОТО)

«Біздің жастарымыз патриоттық рухта тәрбиеленген, бізде әскери-патриоттық іс-шаралардың өткізілуі жыл сайын өсіп келеді. Жастар негізінен өздері келеді. Егер статистиканы салыстыратын болсақ, әскери қызметке 2013 жылы 800 адам шақырылса, 3,5 жыл өткен соң 1600 адам шақырылуда. Бұл өте жақсы көрсеткіш», - деп атап өтті Ғ. Артықов.

Полковник әскерге баруға өз еркімен ниет білдірушілердің саны қазіргі уақытта қазақстандық әскерде жасалған жақсы жағдайлар мен перспективаға байланысты екенін атап өтті.

«Жастар әскери қызметке өз еркімен баруға дайын, яғни олар қарулы күштер қатарында және басқа да әскери құрамаларда қызмет етуді алға қояды. Екіншіден, әскери қызметті аяқтағаннан кейін олар қандай да бір бөлімде келісімшарт бойынша әскери қызметке түсу мүмкіндігіне ие болады. Үшіншіден, әскери қызмет болашақтағы өмірге тәрбиелейді. 2006 жылдан бастап әскерде қызмет ету 12 айды құрайды, бұл бір жыл ғана, сондықтан бұрын болған казармалық тәртіпсіздіктердің барлығы өткенде қалды. Қазақстанның 25 жыл ішіндегі дамуы, ҚР ҚК дамуы өз нәтижесін беруде. Қазір барлық әскери бөлімдерде тәртіп бар, барлық жерде онлайн-режимде камералар орнатылған», - деді Ғ. Артықов.

Сондай-ақ ол әскери қызметке барғысы келмейтін жастардың да жоқ емес екені туралы айтып берді.

«Астана – үлкен мегаполис. Мұнда келген азаматтардың кейбір бөлігі тұрғылықты жері бойынша уақтылы есепке тұрмайды, тіркелмейді, сәйкесінше, әскери есепке де алынбайды. Алайда, бұл жұмыс  жергілікті полиция қызметімен, көші-қон полициясымен бірлесіп жүргізіліп жатыр. Көктемгі әскерге шақыруда біз әскери есепке алынбаған 280 адамды анықтадық.  Қазіргі уақытта қала бойынша 300-400-ге жуық адам іздестірілуде», - деп қорытындылады Ғ. Артықов.

Қайрат Жандыбаев

Фото және видео Азамат Әлиев