• Басты
  • Назарбаев Университеті мен Қазақ ұлттық консерваториясы өзара ынтымақтастық орнатты (ФОТО)

Назарбаев Университеті мен Қазақ ұлттық консерваториясы өзара ынтымақтастық орнатты (ФОТО)

3 Қазан, 2017 10:37
Құрманғазы атындағы Қазақ ұлттық консерваториясының ректоры, ҚР Халық әртісі Жания Әубәкірованың есептік кездесуі Назарбаев Университетінде өтті. Кездесу Мемлекет басшысының «Орталық атқарушы органдардың, әкімдіктердің, жоғарғы оқу орындары басшыларының халықпен есептік кездесу өткізу туралы» жарлығын орындау мақсатында өткізілді.

Назарбаев Университетінің вице-президенті Хадиша Даирова есептік кездесу аясында өткізілген шаралардың басым бөлігі әлемге әйгілі пианинашы Жания Аубакированың шығармашылығының 30-жылдығына арналғанын хабарлады.  

«Бұл шығармашылық кеш, сонымен қатар бұқара алдында шығармашылық есеп болып табылады. Бұл кездесу неге Назарбаев Университетінде өтіп жатыр?  Консерваторияның ректоры бұл жерді жайдан жай таңдаған жоқ шығар деп ойлаймыз. Біз өте қуаныштымыз және Жания Аубакироваға шығармашылық табыс тілейміз», - деді Хадиша Даирова. 

Назарбаев Университеті мен Құрманғазы атындағы Қазақ ұлттық консерваториясы ынтымақтастық орнату  туралы өзара уағдаласты.

«Консерваторияның студенттері мен оркестрі біздің студенттердің алдында өнер көрсететін болады. Біздің балаларымыз өте талантты, олар тек зияткер ғана емес, өлең айтып, би билей де алады. Студенттеріміздің арасындағы шығармашылық алмасу олардың қарым қатынасына көмектеседі», - деп баса айтты ол.

Ақбота Күзекбай

Видео, фото Азамат Әлиев

Барлық жаңалықтар