• Басты
  • Мемхатшы әйелдер қоғамдастығын «Рухани жаңғыруды» ілгерілендіруге шақырды
26 Қыркүйек, 2017 17:11

Мемхатшы әйелдер қоғамдастығын «Рухани жаңғыруды» ілгерілендіруге шақырды

Президент жанындағы Әйелдер істері және отбасылық-демографиялық саясат жөніндегі Ұлттық комиссияның отырысы ҚР Мемлекеттік хатшысы Гүлшара Әбдіқалықованың төрағалығымен өтті.
Мемхатшы  әйелдер қоғамдастығын «Рухани жаңғыруды» ілгерілендіруге шақырды

Мемлекеттік хатшы рухани жаңғыру үрдісін жүзеге асыру маңыздылығын атап өтті.

«Адамдардың  рухани құндылығын, бәсекелестігін, прагматизм мен ұлттық бірлікті сақтауды    қалыптастыру отбасына, атап айтсақ, әйелдер тәрбиесіне байланысты», - деді Г.Әбдіқалықова.

Осы орайда Гүлшара Әбдіқалықова  әйелдер қауымдастығын «Рухани жаңғыру» жалпыұлттық жобасының алты бағытын ілгерілендіруге қатысуға шақырды.

Отырыста  Сыртқы істер министрлігінің  ҚР-ның   2030 жылға дейінгі  БҰҰ-ның  тұрақты даму  мақсаттарына жету  жұмысы туралы баяндамасы тыңдалды.

Сондай-ақ, мемлекеттік қызмет пен мансаптық ілгерілендіру мәселесі қаралды.  Мемлекеттік қызмет пен жемқорлыққа қарсы күрес агенттігінің  мәліметінше,  2017 жылдың  1 қаңтарындағы жағдай бойынша  мемлекеттік қызметкерлер арасындағы әйелдер үлесі  55,5 пайызды құрады, ол өткен жылмен салыстырғанда  0,5 пайызға көп.

Отырыс қорытындысы бойынша хатшы Гүлшара Әбдіқалықова  мемлекеттік органдарға бірқатар тапсырмалар жүктеді.

 

 

Барлық жаңалықтар