• Басты
  • Ақтөбе облысында мал шаруашылығын дамыту бойынша 25 инвестжоба жүзеге асырылуда
26 Қыркүйек, 2017 09:34

Ақтөбе облысында мал шаруашылығын дамыту бойынша 25 инвестжоба жүзеге асырылуда

Облыс әкімі Бердібек Сапарбаевтың төрағалығымен өткен жиында ауыл шаруашылығының негізгі бағыттарының бірі - мал шаруашылығын дамытуға кедергі келтіріп отырған мәселелер талқыланды.
Ақтөбе облысында мал шаруашылығын дамыту  бойынша  25 инвестжоба  жүзеге асырылуда

Облыс әкімдігі хабарлағандай, облыста биылғы сегіз айдың қорытындысы бойынша құстардың саны 18,5% -ға (1558,6 мың), жылқы 7,1% -ға (120 мың), ешкі - 7%-ға (171,4 мың); ІҚМ 4,3% (465 мың бас); түйелер - 2% -ға (17,1 мың); қой - 1,4% (1160,9 мың) артқан.

Баяндамашы кезек күттірмейтін бірқатар проблемалық сұрақтарды айтып өтті. Олардың ішінде мал шаруашылығын дамыту деңгейінің төмендігі де бар. Сегіз айда өндірілген жалпы мал өнімдерінің айналымы 77,9 млрд. теңгені құрады.

Аймақ үшін ет пен сүтті өңдеудің азайып кетуі өзекті мәселеге айналып отыр. Ағымдағы жылдың жеті айының қорытындысы бойынша ет өнімдерін өңдеу көлемі 18% -ға немесе 2,1 мың тоннаға артты. Алайда, қайта өңдеу үлесі небәрі 36,4%-ды құрады. Бұл көрсеткіш бойынша Ақтөбе қаласы, Алға және Ырғыз аудандары көш бастап тұр. Сүт өңдеу көлемі 8,3% -ға немесе 4,7 мың тоннаға артты, қазіргі кезде шикізаттың тек 32,2% өңделеді.

Сондай-ақ, өңдеу өнеркәсіптерінің толық жұмыс жасап тұрмағандығы байқалады. Облыста жалпы қуаттылығы жылына 21,5 мың тоннаны құрайтын 11 ет өңдейтін кәсіпорын бар, олардың орташа жүктемесі 61%, жұмыс істеп тұрған алты сүт өңдеу зауытының жүктемесі бар болғаны 18% ғана.

Жуырда өңірде мал шаруашылығын дамыту үшін жалпы құны 10,7 млрд  теңгені құрайтын 23 инвестициялық жоба жүзеге асырылмақ, Оның 13-і сүт өңдеуге, 10-ы ет өңдеуге байланысты болмақ.

Айтарлықтай нәтиже бермей отырған мәселелердің қатарында асыл тұқымды мал шаруашылығын дамыту, «Сыбаға», «Алтын асық», «Құлан», «Ырыс» секілді мемлекеттік бағдарламалардың дұрыс игерілмеуі де аталды.

Аудан әкімдері мен ауылшаруашылық басқармасына талдау нәтижеслеріне сәйкес ет пен сүтті қайта өңдеу көлемін ұлғайту, инновациялық кәсіпорындарды ашу және бәсекеге қабілетті өнім өндіруде алдыңғы қатарлы технологияларды енгізу, мал басын көбейту жөніндегі шараларды қабылдау ұсынылды.

Жиналысты қорытындылай келе, Бердібек Сапарбаев жақсы жем-шөп қорын дайындау, мал жаю алаңын ұлғайту және мемлекеттік бағдарламаларды тиімді іске асыру арқылы мал шаруашылығын дамыту жұмыстарын күшейтуді тапсырды.

«Мал шаруашылығы - экономиканы дамытудың негізгі бағыттарының бірі. Біз өзімізді өзіміз азық-түлікпен қамтамасыз етуіміз керек. Қолда бар әлеуетті пайдаланудың егжей-тегжейлі жоспарын әзірлеу қажет. Бұл біздің басты міндетіміз », - деді облыс әкімі. 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды