• Басты
  • Қарағандыда 24 қабатты жеті биік үйден тұратын тұрғын үй кешені салынады
25 Қыркүйек, 2017 15:32

Қарағандыда 24 қабатты жеті биік үйден тұратын тұрғын үй кешені салынады

Қарағандыда мемлекеттік бағдарлама бойынша 24 қабатты жеті үйден тұратын тұрғын үй кешенін салу жоспарлануда. Биыл 4 млрд теңге бөлінген, келесі жылы қаржыландыру көлемі 6,6 млрд теңгені құрайды. Бұл туралы Қарағанды облысының әкімдігінде хабарланды.
Қарағандыда 24 қабатты жеті биік үйден  тұратын тұрғын үй кешені салынады

Жобаға сәйкес, тұрғын үйдің жалпы ауданы - 76 мың шаршы метр, барлығы 1 344 пәтер. Жаңа оңтүстік-батыс тұрғын ауданы Майқұдық пен Оңтүстік-Шығысты біріктіреді. Жобаны 2017-2019 жылдары іске асыру жоспарлануда. Тұрғын үйдің жалпы ауданы 77 мың шаршы метрден асады, барлығы - 1 476 пәтер, оның ішінде 2018 жылы - 828 пәтер. Биылғы жылы қаржыландыру көлемі  1 млрд теңгені құраса, келесі екі жылда тағы 4,7 млрд теңге бөлінбек. 

2017 жылы 1 474 пәтерді, ал келесі жылы 2 688 пәтерді пайдалануға беру жоспарланып отыр. 

Өңір әкімдігінің деректері бойынша қазіргі уақытта «Панель-Орталық» шағын ауданының құрылысы аяқталу үстінде. Биылғы жылы - 936 пәтер, 2018 жылы  192 пәтер тапсырылады.

Айта кету керек, Қарағандыда 68 мың салымшының 6 мыңнан астамында 3 млн теңгеден 5 млн теңгеге дейінгі жинақтары бар, бұл пәтер алуға арналған бастапқы салым үшін жеткілікті. 

Барлық жаңалықтар