• Басты
  • Астанада шаңырақ көтерушілер саны артуда
9 Қаңтар, 2014 16:00

Астанада шаңырақ көтерушілер саны артуда

Астанада жыл санап отау құрушылар саны артып келеді. 2013 жылы елордада 10 мың жұп шаңырақ құрды, деп хабарлайды Астана қалалық Әділет департаментінің баспасөз қызметі.
Астанада шаңырақ көтерушілер  саны артуда

«Неке құрушылар саны жыл сайын 500-800 шамасында ұлғаюда. Ал жылына орта есеппен алғанда 15-500 отбасы ажырасады», - делінген хабарламада.

2006 жылдан бастап Астанада жаңадан отау құрушылар саны артып келеді. Бұған себеп ең алдымен халық санының артуы мен елордадағы миграциялық өзгерістерге байланысты. Соның ішінде неке қиюмен қатар туу көрсеткіші де арта түсуде.

«Жалпы, соңғы 8 жылдағы статистикалық көрсеткіштер деморгафиялық жағдайдың оң өзгерістерге негізделгенін көрсетеді. Әсіресе, 2012 және 2013 жылдары туу көрсеткіші айтарлықтай ұлғайған. Жыл сайын дүниеге келген сәбилер саны 2300-2450 шамасында көбейіп, 15-20 пайыздық өсімді көрсетіп отыр», - делінген хабарламада.

Айта кету керек, 2007 жылдың тамыз айынан бастап әділет департаменті мамандары тарапынан жаңа туған сәбилерге ЖСН беру арқылы «Жеке тұлға» базасына енгізу жүргізілуде.

 

Барлық жаңалықтар
3.238.184.78, 192.168.88.100