Ақтөбе облысы Алға қаласындағы балабақшаға автобус берілді
9 Қаңтар, 2014 15:49
Ақтөбе облысының әкімі А.Мұхамбетов Алға қаласындағы балабақша қызметкерлеріне автобустың кілтін табыстады, деп хабарлайды облыс әкімдігінің ресми порталы.
«Облыс әкімі 250 бүлдіршінді тәрбиелеп отырған балабақшаға жаңа жылдық сыйлық ретінде автобус сыйлады», - делінген хабарламада.
Жыл сайын балабақшаны керек-жарақпен қамтамасыз ету үшін бюджеттен 240 млн теңге шамасында қаражат бөлінеді. Осы қаражатқа мекемеге кірер жолдар жөнделіп, спорт алаңдары салынды. Онда жаз күндері футбол алаңы болып, қыста коньки тебіледі.
Сонымен қатар, 2014 жылы ғимараттың шатырын жөндеу жоспарланған.
