Астанада тағы да бір жаңа алаң пайда болады
9 Қаңтар, 2014 12:40
Жақын арада елорда тұрғындары үшін жаңа алаң - демалыс пен көңіл көтеретін жаңа орын ашылады. Бұл туралы қаланың ресми порталы хабарлады.
«Жаңа дөңгелек алаң Триумфалды арканың жанында Орынбор даңғылы мен 25-көшенің қиылысында орналасады», - делінген хабарламада.
Қалалық архитектура және сәулет басқармасының ақпаратынша, алаң территориясында сауда ойын-сауық нысандары: мейрамханалар, дәмханалар мен бутиктер орналасады.
«Алаң аумағында жерасты тұрақ жасалады, онда техникалық орынжайлар, дәретханалар болады, бәрі де төменде. Алаңның өзінде мейрамханалар, бутиктер ашылады, олар бірінші қабатта орналасады. Алғашқы екі қабат адамдарды тарту үшін жасалады, олардың демалуына, серуендеуіне, кофе ішуіне, балалармен ойнауға арналады», - деді В. Силецкий.
