• Басты
  • Ағымдағы жылы Орал – Саратов автожолының 80 км астам бөлігі жөндеуден өтеді
21 Қыркүйек, 2017 13:32

Ағымдағы жылы Орал – Саратов автожолының 80 км астам бөлігі жөндеуден өтеді

БҚО әкімі А.Көлгінов жұмыс сапарымен Тасқала ауданында болып, Орал–Тасқала бағытындағы тас жолдың құрылыс жұмыстарын тексерді.
Ағымдағы жылы Орал – Саратов автожолының 80 км астам бөлігі жөндеуден өтеді

Облыс әкімдігінен хабарлағандай, күретамыр жолдың халықаралық маңызы зор. Ресейдің бірнеше облысына шығатын бұл жолды жөндеу жұмыстары бірер жылдан бері шешуін күтіп тұрған мәселе болатын.  Жалпы ұзындығы 104 шақырымды құрайтын жолдың биыл 80 шақырымнан астамы жөнделмек.  Бұл үшін «Нұрлы жол» бағдарламасы аясында 9,5 млрд. теңге қаржы бөлінген болатын. 

«Биыл мемлекеттің зор қолдауының арқасында облыс бойынша 500 шақырымнан астам жол жөндеу жоспарланған. Ол үшін 36,5 млрд. теңге қаржы бөлінді. Бұл былтырғы көрсеткіштерімізбен салыстырғанда едәуір көп. Мысалы былтыр 290 шақырым жол жөнделген болатын.  Орал – Тасқала жолының транзиттік дәліз ретінде маңызы жоғары. Өйткені Ресейдің бірнеше қаласына  осы бағыт арқылы қатынайды. Сондықтан тас жол құрылысының уақытында аяқталуы мен сапалы жүргізілуіне ерекше мән беру керек», - деді әкім.

Сонымен қатар, ол облыс Ақтөбе мен Ақтаудан қиыршық тас пен битум  сатып алатынын жеткізді.

«Әрине, жол жөндеу жұмыстарының өзіндік қиындықтары бар. Мысалы біздің облысымызда қиыршық тас пен битум жоқ. Қиыршық тасты Ақтөбеден, битумды Ақтаудан алып келу керек. Екі облыстың арасындағы арақашықтық алшақ. Сәйкесінше, құрылыс материалдарының да бағасы қымбаттайды. Ал осы шығындарды есептеген мердігер компаниялар конкурсқа қатысуға аса ниет білдірмейді. Бірақ біз бұл мәселені барынша шешуге күш салып жатырмыз. Биыл Бөкейордасы және Жәнібек аудандарында да 10 көшеден жөндеуді жоспарлағанбыз. Жол қашықтығына байланысты онда да мердігерлер анықталмады. Алайда алдағы жылы бұл мәселені оң шешудің жолдарын қарастырдық. Сонымен қатар құрылыс компанияларының жұмыс сапасына да мән берген дұрыс. Расы керек, қазір олар  мол тәжірибе жинады, - деді облыс әкімі өз сөзінде.

Сондай-ақ облыс әкімі А.Көлгінов жол құрылысы жұмыстарының уақытында аяқталуына ерекше мән беру керек екендігін ескертті. Күн суытқанға дейін жоспарлы жұмыстарды аяқтауды тапсырды.

Айта кету керек, жол жөндеу жұмыстары облыс орталығында да, аудандарда да екі ауысымда ұйымдастырылған.

Бұдан бөлек, биыл Тасқала ауданының инфрақұрылымын жақсартуға 1 млрд.300 млн.теңге қаржы бөлінді. Бұл қаражат есебінен қазіргі уақытта ауданішілік 6 жол жөнделу үстінде.  Оның 5-еуі биыл, 1-уі келесі жылы аяқталады деп күтілуде. Сондай-ақ, 2 көшенің құрылыс жұмыстары былтыр аяқталды. Сондай-ақ «Нұрлы жол» бағдарламасы аясында биыл  3 елді-мекенге ауыз су жеткізу жұмыстары жүрсе, аудан орталығының 8 көшесі де таза сумен қамтамасыз етілді.

Сонымен қатар БҚО әкімі балаларға арналған ойын алаңдарының құрылысымен танысып, айналасын көгалдандыру керектігін айтты.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды