• Басты
  • Қазақстан Беларусияның ДСҰ-ға енуін қолдайды – Ж.Айтжанова
20 Қыркүйек, 2017 19:16

Қазақстан Беларусияның ДСҰ-ға енуін қолдайды – Ж.Айтжанова

Қазақстанның Женевадағы БҰҰ бөлімшесінің және басқа да халықаралық экономикалық ұйымдардағы Тұрақты өкілі, елші Жанар Айтжанова Беларусьтің Дүниежүзілік сауда ұйымына (ДСҰ) кіру жөніндегі жұмыс тобының 9-шы отырысына қатысты.
Қазақстан Беларусияның ДСҰ-ға енуін қолдайды – Ж.Айтжанова

Бұдан басқа, Беларусьтің ДСҰ-ға кіруі аясында ауыл шаруашылыққа қатысты көпжақты кездесу өтті.

ҚР СІМ хабарлағандай, Қазақстан Беларусь Республикасының ДСҰ-ға қосылуы жөніндегі Жұмыс тобының мүшесі болып табылады. Жұмыс тобына 47 ел кіреді. Оны ДСҰ-дағы Түркияның Тұрақты өкілі, Елші Кемаль Маденоглу басқарады.

Елші Ж. Айтжанова өз сөзінде Беларустің  Сыртқы істер министрінің бірінші орынбасары Андрей Евдоченко бастаған делегацияны қоштап,  аталған елдің ДСҰ-ға кіруіне Қазақстанның толық қолдауын білдірді.

Отандық дипломат Беларусь Еуразиялық экономикалық одаққа мүше бола отырып, ДСҰ келісімдерінің нормаларын іс жүзінде орындап отырғанын атап өтті. Елші Ж. Айтжанова Минсктің ДСҰ-ға кіруі шеңберінде әкімшілік рәсімдерді оңайлату үшін өткізген реформалардың арқасында 2017 жылғы Дүниежүзілік Банктің «Doing Business» рейтингісінде Беларусь 37-орынға ие болғанын атап өтті.

Сессия барысында Беларусьтың ДСҰ-ға кіруі жөніндегі Жұмыс тобының баяндамасының бірінші жобасы негізінде Минсктің сауда саясаты қарастырылды. ДСҰ-ға мүше-мемлекеттерге ұлттық заңнаманы ДСҰ-ның ережелеріне сәйкес келтіру мақсатында Беларусьте жүргізілген жұмыстар туралы ақпарат таратылды.

Беларусь делегациясының басшысы кездесуге қатысушыларды ДСҰ-ға мүше 14 елдермен тауарлар мен қызметтер нарығына қол жеткізу туралы екіжақты келіссөздердің аяқталуы жайында  хабардар етіп, 11-ші ДСҰ Министрлер конференциясы аясында мүдделі сауда әріптестерімен белсенді жұмысты жалғастыруға ниетін білдірді.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды