• Басты
  • Қазақстан БҰҰ реформасын қолдады
19 Қыркүйек, 2017 14:58

Қазақстан БҰҰ реформасын қолдады

Қазақстан Біріккен Ұлттар Ұйымын реформалау бойынша саяси декларацияны қолдады. Нью-Йоркте АҚШ Президенті Дональд Трамп бастамасымен өткен және БҰҰ қызметінің жетілдірілуін қолдауды көздеген жоғары деңгейдегі іс-шараға Қазақстан Сыртқы істер министрі Қайрат Әбдірахманов қатысты, деп хабарлады сыртқы саясат ведомствосының баспасөз қызметі.
Қазақстан БҰҰ реформасын қолдады

Президент Нұрсұлтан Назарбаев БҰҰ-ның жұмысын жетілдіруді Қазақстанның БҰҰ Қауіпсіздік Кеңесінің тұрақты емес мүшесі ретіндегі жеті негізгі басымдықтарының бірі болып жариялады. БҰҰ реформасы бойынша Декларация Қазақстанның осы саладағы негізгі көзқарастарына сәйкес келеді.

«Жаһандық сын-қатерлер туындауы жалғасады, ал Ұйым икемді, әрі тиімді бола білмесе, ол әлемнің түрлі қақтығыстар мен дағдарыстар және олардың зардаптарынан азап шегіп отырғандарға неғұрлым қатты әсер етеді», - деп Н. Назарбаевтың «Әлем. XXI ғасыр» манифесінде атап өтілді.

АҚШ бастамасымен дайындалған декларация Бас хатшының рөлін күшейту, БҰҰ бүкіл жүйесінің есеп беруін және ашықтығын арттыру, менеджмент сапасын көтеру, Ұйым құрылымдары арасындағы қосарланушылықты азайту, персоналды басқару және бюджеттік жоспарлауды жетілдіру сияқты реформалар бағыттарын қамтиды.

Сонымен қатар, құжатта мүше мемлекеттер мен БҰҰ Хатшылығы арасындағы әріптестік қатынастар мен сенімді нығайту маңыздылығы атап көрсетіледі.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды