• Басты
  • Мемлекеттік хатшы: Қазақстан мен Жапонияның БҰҰ Қауіпсіздік Кеңесінің қызметіне атсалысуы - серіктестік қатынастарды дамыту үшін қосымша мүмкіндік
19 Қыркүйек, 2017 12:08

Мемлекеттік хатшы: Қазақстан мен Жапонияның БҰҰ Қауіпсіздік Кеңесінің қызметіне атсалысуы - серіктестік қатынастарды дамыту үшін қосымша мүмкіндік

Қазақстан Республикасының Мемлекеттік хатшысы Гүлшара Әбдіқалықова Халықтың қоныстануы және дамуы жөніндегі парламентарийлердің Азиялық форумының төрағасы, Жапония Парламенті Кеңесшілер палатасының депутаты Кейдзо Такэмимен кездесті, деп хабарлады Ақорданың баспасөз қызметі.
Мемлекеттік хатшы: Қазақстан мен Жапонияның БҰҰ Қауіпсіздік Кеңесінің қызметіне атсалысуы - серіктестік қатынастарды дамыту үшін қосымша мүмкіндік

Кездесуге Парламент Мәжілісі төрағасының орынбасары Гүлмира Исімбаева қатысты.

Мемлекеттік хатшы биыл Қазақстан мен Жапония арасында дипломатиялық байланыс орнағанына 25 жыл толғанын атап өтті. Гүлшара Әбдіқалықова елдеріміз арасындағы қатынастардың стратегиялық сипатына тоқталып, екі ел басшыларының тұрақты кездесулері соның дәлелі екенін айтты.

Гүлшара Әбдіқалықова К.Такэмидің Қазақстан мен Жапония арасындағы парламентаралық байланысты дамытуға зор үлес қосқанын атап өтті. Халықтың қоныстануы және дамуы жөніндегі парламентарийлердің Азиялық форумы парламентарийлер арасындағы диалогты дамытуға, халықтың қоныстануы мен дамуы жөнінде тәжірибе алмасуға, сондай-ақ репродуктивті тұрғыдағы денсаулық сақтаудың жалпы стратегиясын әзірлеу мен әйелдердің құқықтарын қорғауға арналған маңызды басқосу болып саналады.

Мемлекеттік хатшы Қазақстан Республикасындағы 2030 жылға дейінгі отбасылық және гендерлік саясат тұжырымдамасында белгіленгендей, біздің еліміз әйелдердің құқықтары мен мүмкіндіктерін кеңейту саласында дәйекті саясат жүргізіп отырғанын айтты.

«Әлеуметтік-экономикалық жетістіктеріміздің және дамудың жаңа сапалы деңгейіне шығуымыздың арқасында Қазақстан бүгінде дамуға қол ұшын беру мәселелерін қайта қарап, көмекке аса мұқтаж елдерге, соның ішінде Ауғанстан мен Азия-Тынық мұхиты аймағы мемлекеттерінің дамуына берілетін жәрдемді арттыру мүмкіндігін қарастыруда. Осыған орай, БҰҰ-ның Даму бағдарламасымен және Жапонияның сыртқы істер министрлігімен бірлесіп, «Даму үшін ресми көмек көрсету саласы бойынша Ауғанстанмен ынтымақтастық мәселесіне орай Қазақстанға жәрдемдесу» атты жобалық құжат әзірленді», – деді Мемлекеттік хатшы.

Гүлшара Әбдіқалықова Қазақстанның алғаш рет 2017-2018 жылдарға БҰҰ Қауіпсіздік Кеңесінің тұрақты емес мүшесі ретінде қызметке кіріскенін және Қазақстан мен Жапонияның БҰҰ Қауіпсіздік Кеңесінің қызметіне биыл бір мезгілде атсалысуы екі елдің серіктестік қатынастарын дамыту үшін қосымша мүмкіндіктер беретінін атап өтті. 

Кездесу соңында Мемлекеттік хатшы Гүлшара Әбдіқалықова Халықтың қоныстануы және дамуы жөніндегі парламентарийлердің Азиялық форумының төрағасы Кейдзо Такэмиге біздің елдегі сапарының табысты болуына тілектес екенін айтып, Қазақстан мен Жапония арасындағы байланыстың одан әрі нығая түсетініне сенім білдірді.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды