• Басты
  • Астана мен Токионы ядролық қарусыздану ісінде ортақ ұстанымдар байланыстырады - Н.Нығматулин
18 Қыркүйек, 2017 18:13

Астана мен Токионы ядролық қарусыздану ісінде ортақ ұстанымдар байланыстырады - Н.Нығматулин

Мәжіліс Төрағасы Нұрлан Нығматулин Халықтың қоныстануы және дамуы жөніндегі парламентарийлердің Азиялық Форумының төрағасы К. Такеми мырзаны қабылдады, деп хабарлады Парламенттің төменгі палатасынан.
Астана мен Токионы ядролық қарусыздану ісінде ортақ ұстанымдар байланыстырады - Н.Нығматулин

Мәжіліс спикері Н. Нығматулин атап өткендей, Жапониямен жан-жақты қатынасты дамыту Қазақстанның сыртқы саясатындағы маңызды басымдықтардың бірі. Биыл екі ел арасында дипломатиялық қатынастың орнағанына 25 жыл толды. Осы уақыттар ішінде Астана мен Токио бір-біріне тығыз қолдау көрсете отырып, ортақ мақсаттар жолында сенімді әріптестер болып келеді. Мәжіліс Төрағасының айтуынша ядролық қарусыздану және таратпау, атом энергиясын бейбіт мақсатта пайдалану басқа да халықаралық өзекті мәселелер бойынша біздің елдеріміздің ұстанымы өте жақын.

Сонымен қатар, палата спикері Қазақстан Президенті Нұрсұлтан Назарбаевтың өткен жылғы Жапонияға ресми сапары бұған дейін қол жеткізілген келісімдерді бекітіп, екі ел арасындағы ынтымақтастықты кеңейтілген стратегиялық әріптестік деңгейіне жеткізгенін атап өтті.

Өз кезегінде мәртебелі мейман Жапонияда Қазақстан Президентінің ядролық қаруды таратпау жөніндегі бастамаларын жоғары бағалайтынын және Президенттің халықаралық деңгейдегі өзекті мәселелер бойынша маңызды қадамдарына алғысын білдірді.

Н. Нығматулин халықтың қоныстануы және дамуы мәселесі бойынша парламентшілердің жұмысын ынталандыру мен алға жылжыту бойынша форумның ауқымды жұмыстар атқарып келе жатқанын алға тарта келіп, біздің депутаттардың алдағы уақытта да ХДПАФ аясында әріптестермен белсенді іс-қимыл жасауға дайын екендігін білдірді.

Кездесу барысында тараптар барлық бағыт бойынша байланысты тереңдету жайын сөз етіп, соның ішінде, «Нұр Отан» парламенттік фракциясы және Либералды-демократиялық партиясы, бейінді комитеттер мен ынтымақтастық жөніндегі парламентаралық топтар арқылы парламентаралық әріптестікті нығайтудың қажеттілігін атап өтті.

 Мәжіліс Төрағасы К. Такеми мырзаның сапары біздің елдеріміздің екіжақты қарым-қатынасын одан әрі тереңдетуге ықпал ететініне сенім білдірді. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды