ҚР Президенті көлікке арналған жаңа көпір құрылысын тексерді
18 Қыркүйек, 2017 14:53
Қазақстан Президенті Жамбыл облысындағы сапары аясында Тараздың Айша бибі көшесіндегі көлікке арналған жаңа көпір құрылысының жұмыстарымен танысты, деп хабарлады Ақорданың баспасөз қызметі.
Жаңа көпірдің іске қосылуы қаланың темір жол арқылы бөлінген бөліктерін байланыстырып, басты көлік жолдарының жүктемесін жеңілдететін болады. Бүгінде Қырғыз Республикасымен арадағы шекарада орналасқан «Айша бибі» кеден пункті бағыты бойынша күніне 4-5 мың автокөлік қатынайды.
Фото Бауыржан Жуасбаев
