• Басты
  • «Нұрлы Жол» вокзалында электромобильді қуаттандыру станциясы ашылды
15 Қыркүйек, 2017 15:13

«Нұрлы Жол» вокзалында электромобильді қуаттандыру станциясы ашылды

«Нұрлы Жол» вокзалында электромобильді қуаттандыру станциясы іске қосылды, деп хабарлады "Қазақстан темір жолы" ҰК" АҚ.
«Нұрлы Жол» вокзалында электромобильді қуаттандыру станциясы ашылды

Электромобильді қуаттандыру станциясы ҚР энергетика министрлігінің жобасы аясында атқарылды. Бұл Қазақстандағы вокзалда орнатылған тұңғыш электромобиль қуаттандыру станциясы болып табылады.

«Астана тұрғындарына «Нұрлы жол» вокзал кешенінде алғашқы қанатқақты жоба жүзеге асырылды. Яғни, вокзалға келген электромобиль жүргізушісі өз көлігін осы жерден қуаттандырып ала алады»,-дейді «Нұрлы жол» вокзал кешені директорының орынбасары Н. Аманжолов.

Жаңа электрмен қуаттандыру станциясы әлемдік стандартқа сәйкес келеді. Ол 1 сағаттан 4 сағатқа дейін қуат береді. Бір мезетте станциядан төрт электромобиль қатар қуат алады. Станцияға орнатылған қуат көзінің күші -51кВт.

«Қауіпсіздік шараларын күшейту мақсатында токтың дифференциалды қорғанышы жасалған. 2«Mennekes» ток айырғышы апаттық жағдайда тоқ көзінен ажыратылады», - дейді Н. Аманжолов.

Барлық жаңалықтар