• Басты
  • Жаңақала ауданында таза ауыз сумен қамтамасыз етілу 70 пайыздан асады
12 Қыркүйек, 2017 16:13

Жаңақала ауданында таза ауыз сумен қамтамасыз етілу 70 пайыздан асады

Батыс Қазақстан облысының әкімі Алтай Көлгінов Жаңақала ауданына жұмыс сапары кезінде осы аудандағы маңызды әлеуметтік жобалардың іске асырылуын тексерді.
Жаңақала ауданында таза ауыз сумен қамтамасыз етілу 70 пайыздан асады

БҚО әкімдігінің ақпараты бойынша, Жаңақала ауданында су құбырын тарту, газдандыру және ауыл жолдарын жөндеу жұмыстарына республикалық бюджеттен 5,6 млрд теңге қарастырылған. Бұл туралы облыс әкімі Алтай Көлгіновтің осы ауданға жұмыс сапары кезінде белгілі болды.

Өңір басшысы атап өткенндей, Елбасы тапсырмасына сәйкес, халықтың әл-ауқатын, соның ішінде шалғайдағы елді мекендер тұрғындарының жағдайын жақсартуға ұдайы көңіл бөлінуде. Мысалы, Жаңақалада аудан орталығын қосқанда, сегіз ауыл сапалы ауыз сумен қамтылатын болады. Жаңақала мен Бөкей ордасы аудандары аралығында жатқан Құлшыққа ұзындығы 146 км су құбырын тарту үшін 2 млрд теңге қарастырылса, қазірдің өзінде соның 400 млн теңгесі түскелі отыр.

Бұл жұмысты қарқынды жүргізуге мүмкіндік береді. Германиялық сорғылар орнатылатындықтан, мердігерлер ауыз су сапасы жоғары болады деп отыр.

Таза су биыл Пятимар, Бірлік, алдағы жылдың көктеміне дейін Мәстексай ауылдық округіне  жетпекші. Оған қоса төрт ауылдық округ газдандырылып, 7 ауыл ішіндегі жолдар жөнделмек.

Бөкей ордасы мен Жәнібек аудандары облыс орталығынан шалғай жатқандықтан, жол жөндеуге бюджеттен қаржы бөлінгенімен, әзірге бұған ешкім құлшыныс таныта қоймаған. Сондықтан жол құрылысы кәсіпорындары үшін мемлекеттік сатып алу байқауларының кейбір талаптарын өзгерту керек шығар, себебі қала мен алыс елді мекендегі жағдайдың екі түрлі екені белгілі. Қалай болғанда да, аталған аудандарда жол жөнделетін болады.

 Облыс әкімі биылғы жобалар жүзеге асқан кезде өңірдегі елді мекендерді газдандыру 97 пайызға, таза ауыз сумен қамту 70 пайызға жететінін мәлім етті.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды