Біз жер бетіндегі барша адамдардың энергияға қолжетімділігін қамтамасыз етуіміз керек – БҰҰ (ВИДЕО)

11 Қыркүйек, 2017 19:21

Біз жер бетіндегі барша адамдардың энергияға қолжетімділігін қамтамасыз етуіміз керек, деді Орталық Азиядағы «БҰҰ әйелдер» құрылымының өкілі Илейн Конкиевич ЭКСПО-2017 көрмесі аясында.

«Әйелдер агенттігінің атынан ЭКСПО-2017 көрмесіне ресми түрде қатысу біз үшін үлкен құрмет», - деді спикер.

«БҰҰ әйелдер» - бұл гендерлік саясат мәселелері үшін жауапты ұйым, агенттік 2010 жылы құрылған болатын. Ұйым ЭКСПО-2017 көрмесінің өткізілуіне әйелдердің рөлі, бастамалары тұрғысында қатысты.

«Біз ЭКСПО көрмесіне әйелдердің энергетикалық мәселелерді шешудегі рөлін нығайту үшін қатыстық. Біз жер бетіндегі барша адамдардың энергияға қолжетімділігін қамтамасыз етуіміз керек. БҰҰ-да әйелдер ұйымы дүние жүзі бойынша жұмыс істейді және олар өздері тұратын орындарды электрлендіруге атсалысуда», - деп қосты ол.

Мысалы, БҰҰ әйелдер Африка тұрғындарына күн панельдерін қалай пайдалану, өзін электр қуатымен қалай қамтамасыз ету керектігін үйретті. Орталық Азияда әйелдерді парниктер жасауға оқыту жөнінде бастама жасалды. ЭКСПО көрмесінде БҰҰ павильонының келушілері үлкен қызығушылық танытып, біздің қызметімізге қатысты көптеген сұрақтарын қойып жатты.

Бұдан бөлек, Илейн Конкиевич олардың павильонында жұмыс істеген волонтерлерге алғысын білдірді.

Видео Арман Мұхатов