• Басты
  • Ақмолалық кәсіпкерлер польшалық әріптестерімен жұмыс істеуге әзір

Ақмолалық кәсіпкерлер польшалық әріптестерімен жұмыс істеуге әзір

11 Қыркүйек, 2017 18:56
Ақмолалық кәсіпкерлер польшалық әріптестерімен жұмыс істеуге әзір.

Өңір әкімдігінде хабарлағандай, кездесу барысында қонақтарға инвестициялық тартымды объектілер туралы ақпарат ұсынылды. Атап айтқанда, бұл ЖЭО, мамандандырылған халыққа қызмет көрсету орталығы, жылыжай, ет өңдеу кешені мен басқа да нысандардың құрылысы. 

Польшаның бизнес өкілдері өз өнімімен және қызметтерімен қысқаша таныстырып өтті. Кешенді элеваторлар өндірісімен айналысатын «Feerum» компаниясы қызығушылық туғызды. Экспорт жөніндегі менеджер Анна Доминика қандай салаларда ынтымақтастық жасалуы мүмкін екеніне толық тоқталып өтті. "Қазақстандық Агро Инновациялық Корпорация" өкілдері  бірлесіп жұмыс істеуге дайын екенін жеткізді. Бұл компания ауыл шаруашылығы техникасын шығарумен айналысады және ынтымақтастық жасауға дайын. "Тұрмыстық химия зауытының" директоры Ринат Курмаев та польшалық бизнес өкілдерімен жұмыс істеуге ниет білдірді. 

«Біз Польшадан шикізат аламыз. Сондай-ақ өз өніміміз үшін ыдыс сатып аламыз. Алайда, бұл бізге арзанға түспейді. Сол себепті бізде өнімдерге арналған ыдыс шығару өндірісін ашуды ұсынамын. Тіпті өндірістік үй-жай да беруге әзірмін», - деді Р. Курмаев.

Кездесудің нәтижелі өткенін айта кету керек. Польша Республикасынан келген кәсіпкерлер өңірдің әлеуеті зор екенін атап өтті.  

Барлық жаңалықтар