• Басты
  • ЭКСПО көрмесінің жабылуында қауіпсіздікті 9 мың қызметкер қамтамасыз етеді
8 Қыркүйек, 2017 10:56

ЭКСПО көрмесінің жабылуында қауіпсіздікті 9 мың қызметкер қамтамасыз етеді

ЭКСПО көрмесінің жабылуында қауіпсіздікті 9 мың қызметкер қамтамасыз етеді, деді ОКҚ баспасөз конференциясында ҚР ІІМ Әкімшілік полиция комитеті төрағасының орынбасары Талғат Мұсақанов.
ЭКСПО көрмесінің жабылуында қауіпсіздікті  9 мың қызметкер  қамтамасыз етеді

Еліміздің Ішкі істер министрлігі «ЭКСПО-2017» көрмесінің қауіпсіз өтуіне соңғы дайындықтарын жүргізуде. Сондай-ақ, министрлік Астанада өтетін Ислам Ынтымақтастығы Ұйымының Саммитына да толықтай әзірліктерін жеткізді.

«Астанада өтетін ИЫҰ Саммитына және «ЭКСПО-2017» халықаралық көрмесінің жабылуына 30 мемлекеттің президенті келеді. Қонақтарды қалаға орналастыру мен жол қауіпсіздігін қамтамасыз етуде арнайы күзет пен кортедж алып жүретін болады»,- деді ҚР ІІМ Әкімшілік полиция комитеті төрағасының орынбасары Талғат Мұсақанов.

Айтулы күндері қала ішіндегі тәртіп пен қауыпсіздікті сақтау мақсатында құқық қорғау саласының 9 мың қызметкері жұмылдырылатын болады. Ішкі Істер министрлігінің қызметкерлері қала көшелері бойынша дайындық жүргізіп, қызметкерлер арасында арнайы жаттығулар өткізді.

Сонымен қатар, бұл күндері қалада кептеліс орын алып, кейбір көшелер жабылуы мүмкін. Ол туралы қала тұрғындары мен қонақтары үшін қосымша ақпарат берілетін болады.

Барлық жаңалықтар
3.235.136.34, 192.168.88.100