Қазақстандық қой еті Иранға экспортталуда
7 Қыркүйек, 2017 17:32
ҚР Ауыл шаруашылығы министрлігімен Иран мемлекетінің бірлескен жұмысы аясында Қазақстаннан Иранға тірі мал және салқындатылған қой етін жеткізуге ветеринарлық талаптары келісілген болатын, деп хабарлады АШМ баспасөз қызметі.
Сонымен қатар, Қазақстаннан Иранға мұздатылған қой етін экспорттау талаптары да мақұлданған.
Иран нарығына қой еті мен тірі малды экспортқа шығару Таяу Шығыс елдеріне ( БАӘ, Сауд Арабия, Кувейт, Катар және т.б.) экспорттық әлеуетті арттыруға мүмкіндік береді.
Батыс Қазақстан облысынан Иран мемлекетіне жөнелтілген кезекті 18 тонна салқындатылған қой еті осы келісімдердің нақты нәтижесі деп атап өтуге болады.
Естеріңізде болса, Оралдық шаруалар бұған дейін де 18 тонна қой етін экспорттаған болатын.
