Бақытжан Сағынтаев ExxonMobil компаниясының өкілдерімен кездесу өткізді
7 Қыркүйек, 2017 12:49
Үкімет үйінде ҚР Премьер-Министрі Бақытжан Сағынтаев компания президенті Н. Даффин бастаған ExxonMobil Production Co. өкілдерімен кездесу өткізді, деп хабарлады primeminister.kz.
Кездесу барысында ExxonMobil компаниясының Қазақстандағы қазіргі қызметі туралы мәселелер, соның ішінде Теңіз және Қашаған мұнай кен орындарын игеру жобаларын іске асыру мәселелері талқыланды.
Айта кетейік, компания Қазақстанда 1993 жылдан бастап жұмыс істейді және еліміздегі алғашқы ірі инвесторлардың бірі.
ExxonMobil Теңізде кен орны бар «Теңізшевройл» ЖШС-інде - 25%, Қашаған кен орны мен Каспий құбыры желісі консорциуміне 7,5% үлескерлік қатысуды қамтитын Солтүстік Каспий бойынша өнімдерді бөлу туралы келісім аясында 16,81% үлескерлік қатысуға ие.
