Астанада «Kazenergy» IX Еуразиялық форумы ашылады
7 Қыркүйек, 2017 09:57
Энергетикалық сектордың халықаралық оқиғасы - «Kazenergy» IX Еуразиялық форумы «Болашақ энергиясын қалыптастыру» тақырыбында өтеді. Шараға ҚР Премьер-Министрі Бақытжан Сағынтаев қатысады деп күтілуде.
Ұйымдастырушылар хабарлағандай, форум ЭКСПО-2017 мамандандырылған көрмесінің маңызды шараларының бірі болмақ.
«Kazenergy» IX Евразиялық форумының бағдарламасы энергияның тұрақты көздерін тиімді басқару, энергия ресурстарын сақтау және өндіру, энергия көздерін басқару, климаттың өзгеруін басқаруды әлемдік энергетикалық компаниялардың талқылауына шығару. Қатысушылар баламалы энергия көздерін қолдануды ынталандыру бойынша өз идеяларын ұсынады.
Форум серіктестері IEA, IRENA, ЕЭК, МЭФ сынды халықаралық ұйымдар мен трансұлттық энергетикалық және мұнай-газ компаниялары.
Ақбота Күзекбай
