Мерзімді әскери қызметке 17 мыңға жуық азамат шақырылды

6 Қыркүйек, 2017 13:35

Биылғы жылдың күзінде 17 мың азамат әскери қызметке шақырылды. Бұл туралы ҚР ҚК Бас штабының ұйымдастыру-жұмылдыру департаментінің жетекшісі Мүсілім Даиров ОКҚ баспасөз отырысында мәлімдеді.

Осыған дейін хабарланғандай, Қазақстан 2-қыркүйек күзгі әскерге шақыру басталды.

«Қазақстандық әскер аралас түрде шақырылады, ол шақырылу немесе келісім бойынша жүзеге асырылады. Қызметтің барлық саласына жаңашылдық әлемдік деңгейде енгізілуде. Жеке құраммен ұйымдастыру және жеке шақырылым бойынша жүзеге асырылады. Күзгі шақырылым кезеңінде өңірлерде сарбаздарды әскерге шығарып салу ұйымдастырылуда», - деді М.Даиров.

Мүсілім Даировтың айтуынша, 2017 жылдың күзінде жедел әскери қызметке 18-27 аралығындағы 17 мыңға жуық азамат дайын. Олардың кейінге қалдырылуға немесе шақырылымнан босатылуға құқығы жоқ.

«2-қыркүйектен бастап жұмысқа медициналық комиссия кірісті. Шақырылу комиссиялардың өкілдері құрамына жергілікті атқарушы органдардың жетекшілері, орынбасарлары, аудан, облыс әкімдерінің орынбасарлары кіреді. Сондай-ақ, жергілікті органдарда тұрақты түрде медицина комиссиялары жұмыс істейді, олар шақырылым кезінде ғана емес, бір жыл бойы жұмыс істейді. Сарбаздарды әскери бөлімшелерге бөлу шақырылымға дейінгі мамандықтарына қатысты болады», - деді спикер.

Сондай-ақ, шақырылушылар мен олардың ата-аналарымен әңгімелесу өткізіледі. Аталмыш кездесулер барысында олардың білімі мен денсаулығына, моральдық-психологиялық жағдайына назар аударылады.

Ақбота Күзекбай

Барлық жаңалықтар