- Басты
- Музыка өнерінің бесігі: ЭКСПО-да Италия күні өтті
Музыка өнерінің бесігі: ЭКСПО-да Италия күні өтті

Дәстүр бойынша шараның ресми бөлігі Тудың көтерілуі мен ұлттық әнұранның орындалуынан басталды. Қарсы алу сөзін ұлттық экономика вице-министрі Айбатыр Жұмағұлов пен Италияның экономикалық дамыту министрінің орынбасары Иван Скалфаротто сөйледі.
«Италия Қазақстанның сыртқы саясатында маңызды орынға ие. Ол еуропа елдері ішіндегі белсенді экономикалық серіктес болып табылады. Бұл туралы ірі итальяндық компаниялар мен сауда-экономикалық ынтымақтастықтың дамуы көрсетеді. Қазақстан мен Италияның үкіметаралық жұмыс тобы өнеркәсіптік экономикалық ынтымақтастық пен екі ел арасында серіктестік қарым-қатынасты дамытудағы жұмысы ерен», - деді Айбатыр Жұмағұлов.
Вице-министр айтып өткендей, Қазақстанның Италиямен тауар айналымы биылғы жылдың жарты жылдығында 4 млрд 798 млрд долларды құрады, ол көрсеткіш өткен жылмен салыстырғанда 39 пайызға артты.
Өз кезегінде, Италияның экономикалық дамыту министрінің орынбасары Иван Скалфаротто айтып өткендей, ЭКСПО баламалы энергия көздерін дамытуға серпін береді.
« «ЭКСПО-Милан-2015» және «ЭКСПО-Астана-2017» көрмелерінің тақырыптары арасында ұқсастық бар. Екі көрме де жаһандық проблеманың шешімін табуға итермелейді. Себебі, энергия мен азық-түліктің жетіспеуі әркез өзекті мәселе болып қала бермек. Сондықтан да ұрпақтың гүлденуі үшін біз жаңа жолдарды тауып, жүзеге асыруымыз керек», - деді ол.
Италия күнінің ашылу салтанатына Нелло Сальца солисі басқарған итальяндық ансамбль Астана қаласының Мемлекеттік филармониясының сүйемелдеуімен қатысты.
Айта кетейік, Нелло Сальца – танымал итальяндық сырнайшылардың бірі.
Шарадан соң итальяндық делегация «Нұр Әлем» қазақстандық павиольонына барды.
Айта кетейік, итальяндық павильон төрт негізгі залдан тұрады.
Италия павильонында жетістіктер орны бар, ол апта сайын жаңартылып отырады. Мәселен, Базиликата өңірі Ұлттық музейге өңірдің нышаны болып есептелетін ескерткішті сыйға тартты.
Ақбота Күзекбай
-
Парламент мәжілісі мен мәслихат сайлауы қалай өтті
-
Шымкентте «Сайлау-2021: Саяси жаңғырудың жаңа кезеңі» атты дөңгелек үстел өтті
-
Балаларға арналған демалыс және бейімдеу орталықтарын ұйымдастыру бойынша жобалар акселерациядан өтті
-
Covid-19 әлемде: Англияда рождество мерекесі локдаунда өтеді, Италияда бүкілхалықтық локдаун
-
Сайлауалды үгіт-насихат жұмыстары: өңірлердегі тұрғындармен кездесулер өтті
-
Назарбаев қазақстандықтарды Тәуелсіздік күнімен құттықтады
-
Тәуелсіздік күні: Қарағандыдағы "желтоқсанның" жанды тарихы
-
ҚР Тұңғыш Президенті күні: Н. Назарбаевтың үздік бастамалары мен пайдалы шешімдері
-
1 желтоқсан – дүниежүзілік АИТВ/ЖИТС-пен күрес күні
-
“Нұр-Сұлтан қаласы әкімінің кубогі-2020” жастар жобасы халықаралық деңгейде өтті
-
Құтқарушылар күні: Елордада жаңа өрт сөндіру депосы ашылды
-
COVID-19 екінші толқыны: Әлемдегі ахуал күрделі
-
Ұстаздар күні: Мұғалім мәртебесін арттыру үшін қандай шаралар қабылданды
-
1 қазан – халықаралық қарттар күні
-
Қазақстан мен әлемдегі Еңбек күні

