«Жас Ұлан» әскери мектебіне 600 тәрбиеленуші келді

4 Қыркүйек, 2017 17:34

Астана, Алматы, Қарағанды және Шымкент қалаларындағы «Жас ұлан» республикалық әскери мектептерінің барлық тәрбиеленушілері үшін жаңа оқу жылының басталуын білдіретін алғашқы қоңырау соғылды, деп хабарлады Қорғаныс министрлігінің баспасөз қызметі.

Дәстүрлі түрде салтанатты іс-шара «Жас ұлан» тәрбиеленушілерінің алаңқайда салтанатты сап түзеуі және оқу орнының туын алып шығару рәсімінен басталды. Төрт әскери мектепте 1200-ден аса ұлан білім алуда. Оның 600-ге жуығы биылғы жылы мектеп тәрбиеленушісі атанды.

Жыл сайын мектепте тәрбиеленушілерді іріктеудің сапасы жақсарып, жыл сайын жасұландықтардың дайындық деңгейі ұлғаюда, білім беру үдерісінің іс жүзіндегі маңыздылығы ұдайы арттырылып, тәрбиеленушілердің зияткерлік тұрғыда дамуына ерекше ден қойылуда. Барлық оқу-тәрбие процесі балаға кішкентай кезінен бастап Отанға деген адалдық сезімін сіңірту, оны жақсы көруге және ұлтжанды болуға жетелеуге бағытталған.

Мектеп тәрбиеленушілері мемлекеттік және шетел тілдерін терең зерделеп, дене даярлығымен қарқынды шұғылданады және әскери пәндерді игереді. «Жас ұлан» республикалық әскери мектептерінің көптеген түлектері әскери істі оқуды әрі қарай жалғастырып, әскери жоғары оқу орындарына түсуде және Қазақстан Республикасының Қарулы Күштері мен өзге де әлеуетті құрылымдардың лайықты офицерлері атанып жатқанын айта кету қажет.

Барлық жаңалықтар