Қазақстанға сенімді киберқалқан керек – ҚР Президенті

«Соңғы уақытта  цифрландыру, ақпараттық  қауіпсіздік   мәселесі өзекті бола түсті. Сондықтан да, бұл іспен ұлттық қауіпсіздік комитеті мен үкімет те айналысуы керек. Бұл мемлекет қауіпсіздігіне қауіп төндіреді. Үлкен мемлекеттер бұның зардабын көріп отыр. Ұлт жоспарында ақпараттық қоғамды дамыту бойынша нақты талаптар қойылған, заң жобасы  қаралуда.  Екінші тарап бар екенін де ұмытпайық.  Соңғы үш жылдың өзінде интернеттегі құқыққа қарсы  контент көлемі  40 есеге өсті. Бізге Қазақстанға сенімді киберқалқан керек. Оның құрылуын кейінге шегере алмаймыз, елдің мәдениетін,  құндылықтарын  қорғауымыз керек. Бұл қауіпсіздік мәселесі. Бүгінгі таңда тікұшақ, танкілермен  соғысу керек емес. Вирус  жіберіп, электр станцияларын  тоқтату жеткілікті.  Әскер жіберудің қажеті жоқ. Ең маңызды мәселе осы», - деді Елбасы.

Президент айтып өткендей, ерекше назар аэроғарыштық  өнеркәсіп саласына аударылуы керек.

«Саланы дамыту үшін  сәйкес министрлік құрылды,  келіссөздер жүргізілуде.  Министрліктің қызметін толық ашып беретін заң жобасы  Парламентке ағымдағы жылы енгізіледі. Өзіндік  қорғаныс өнеркәсібін  дамыту дегеніміз, бұл ЖІӨ өсімі, жаңа жұмыс орындары.  Ғылыми-техникалық үрдіс  жүзеге асырылуда», - деді Президент.

Қайрат Жандыбаев