Астана процесінің кезекті отырысы 14-15 қыркүйекте өтеді
2 Қыркүйек, 2017 10:31
Сирия жөніндегі Астана процесінің кезекті отырысы 2017 жылдың 14-15 қыркүйегі аралығында өтеді, деп хабарлады СІМ баспасөз қызметі.
Гарант елдердің мәліметі бойынша, алдағы кездесуде деэскалация қызметін реттейтін құжаттар мен Идлибтегі күш құрамын реттеу мәселелері талқыланады.
Қатысушылар Идлиб, Хомс және Шығыс Гуте ауылындағы деэскалация аймағын нақтылауға мүдделі.
Тараптар Сириядағы ЮНЕСКО-ның дүниежүзілік тізіміне енген тарихи ескерткіштерді гуманитарлық минасыздандыру туралы өтінімді қабылдауды қарастырады. Жоғары деңгейдегі кездесу алдында қатысушы елдер 13 қыркүйек күні бірлескен жұмыс тобының отырысын өткізуді жоспарлауда.
