ИИДМБ: ОҚО-да 1650 жұмыс орны құрылды
31 Тамыз, 2017 17:33
ОҚО-да Индустриаландыру картасының екінші бесжылдығы аясында 1650 жаңа жұмыс орны ашылды, деді облыс әкімінің орынбасары Ұласбек Сәдібеков.
Жыл соңына дейін ОҚО-да өнеркәсіп өнім көлемін 850 млрд теңгеге жеткізу жоспарланған. Оңтүстік өңірдің өнеркәсіптік өнімі 7 айда 439,1 млрд теңгені құрады.
«Өнеркәсіптік өнім көлемінің өсімі өткен жылмен салыстырғанда 100,3 пайызды құрады. Индустриаландыру картасының екінші бесжылдығы аясында 47,1 млрд теңгенің 47 жобасы жүзеге асырылды, 1650 жұмыс орны ашылды. Биылғы жылы 1,7 млрд теңгенің 3 жобасы жүзеге асырылды», - деді облыс әкімінің орынбасары.
Жыл соңына дейін тағы 14 жобаны жүзеге асыру жоспарланған. Бұл жобаларға Шымкент қаласындағы «Рахат Шымкент» ЖШС, Отырар ауданындағы «Азия Агро» ЖШС, Созақ ауданындағы «Сырлы Созақ» ЖШС жатады.
Айта кетерлігі, облысқа 229,9 млрд теңге инвестиция тартылды.
