29 тамыз: Ядролық қарусыз әлем

29 Тамыз, 2017 11:32

26 жыл бұрын Елбасының Жарлығы бойынша әлемдегі ең ірі ядролық сынақ алаңы – Семей полигоны жабылды.

Семей полигоны алаңында 40 жыл бойы 500 ядролық сынақ өткізілді. Дәл осы күні ол мәңгілікке жұмысын тоқтатқан болатын. Осылайша, қазақстандықтар барша әлемге бейбіт даму жолын таныстырды. Бұл Қазақстанның жаһандық қауіпсіздікке жасаған қадамы.

Қазақстан ширек ғасыр бойы жер шарындағы бейбітшілікті қамтамасыз етуге өз үлесін қосып келеді. Біздің ел әлем бойынша көлемі жағынан төртінші орын алатын алып ядролық арсеналдан бас тартты.

Өзге елдер Қазақстанды әлемдік қауіпсіздікті қамтамасыз етуде жаңа идеялар бастамашысы ретінде қабылдады. Қазақстанның ұстанымы Елбасының «Әлем. XXI ғасыр» Манифестінде орын алған болатын.

Қорытындысында, Қазақстан ядролық қарусыз қозғалыстың жетекшісіне айналды.

Айта кетейік, Нұрсұлтан Назарбаевтың бастамасымен 29 тамыз ядролық сынақтарға қарсы халықаралық күн болып бекітілді.