Өскеменде МЖӘ бағдарламасы бойынша балалар ауруханасы салынуда
28 Тамыз, 2017 15:32
Өскеменде мемлекеттік-жеке меншік серіктестік аясында 200 орынға арналған балалар ауруханасының құрылысы жүруде, деп хабарлады Шығыс Қазақстан облысы әкімдігінің баспасөз қызметі.
Аймақ басшысы Даниал Ахметов нысанға барып, құрылыс жоспар бойынша жүріп жатқанына куә болды. Бүгін нысанда 200 адам жұмыс істеуде. Фирма 600 млн несие алып,2014 жылы жұмысты бастаған болатын. Жақын арада мердігерлер әкімдіктен 1 млрд 200 млн теңге транш алмақ. Жыл соңына дейін тағы төрт қабат салынады.
Даниал Ахметов айтып өткендей, нысан күрделі әрі маңызды. Қазан айында облыстық мәслихат сессиясында жобаны одан әрі қаржыландыру мәселесі қаралады.
