Қазақстан және Мексика алғашқы СІМ аралық консультациялар өткізді
ҚР СІМ-де хабарлағандай, Қ. Әбдірахманов Елбасы Нұрсұлтан Назарбаевтың Латын Америкасы және Мексика елдерімен қарым-қатынастарды жан-жақты дамытуға көп көңіл бөлетінін атап өтті.
«Мексика Қазақстанның Латын Америкасындағы екінші ірі сауда әріптесі болып табылады. Біз сауда және инвестициялық ынтымақтастықты, соның ішінде энергетика, телекоммуникациялар және ақпараттық технологиялар саласындағы ынтымақтастықты одан әрі кеңейтуге ниеттіміз», - деп атап өтті министр.
Кездесу барысында Қ. Әбдірахманов Мексиканың сыртқы істер министрі Луис Видегарайды Қазақстанға сапармен шақырды.
Тараптар екі мемлекеттің халықаралық күн тәртібінің негізгі мәселелері бойынша позицияларының ұқсастығын, сондай-ақ көпжақты форматта жемісті өзара іс-қимыл жасайтынын атап өтті. К. де Икаса Астананың жаһандық және өңірлік қауіпсіздікке қосқан үлесін, Қазақстанның Астана процесі аясында Сириядағы дағдарысты шешу бойынша барынша күш салуын атап өтті.
Қазақстан-Мексика СІМ аралық саяси консультациялар сыртқы істер министрлерінің орынбасарлары деңгейінде өтті. Қазақстандық тарапты сыртқы істер министрінің орынбасары Ержан Ашықбаев танытты.
