Тамырымыз – рухани ұлттың келбеті – Д.Мыңбай

«Елбасының «Болашаққа бағдар:  рухани жаңғыру» мақаласында   кез келген нәрсені  әркім өзінен бастауы  керек деген жері  бар. Әрбір адам өзінің ісіне тиянақты болуы керек.  Біз өз жұмысымызды өзге өркениеттермен, елдермен салыстырмалы түрде қарағанымыз  арқылы еңбектің сапасы жақсара түседі», - деді Д. Мыңбай.

Сондай-ақ, ҚХА төрағасының орынбасары дәстүрдің қасиетіне тоқталды.

«Дәстүрге келетін болсақ,  біздің халқымыз дәстүрге көп көңіл бөлген.Қалыптасқан дәстүрден ажырап қалғаннан кейін, өзіміз жұтылып кететіндей, бар қасиеттен айырылып қалмас үшін  тамырымызды зерттеп жатырмыз. Тамырымыз-рухани ұлттың келбеті. Жоғарыдан тапсырма береді  деп күтудің қажеті  жоқ, саннан бұрын сапаға көңіл бөлген дұрыс деп ойлаймын. Өйткені, атқарып жатқан жобалардың   атын өзгерте салып, науқаншылыққа салып жатқандар да кездеседі, олай болмайды. Бұның барлығы  бақылауда, ұлттық комиссия,  қоғам қарап отыр. Зиялы қауымның көзі ашық қазір. Кімнің осы іспен айналысып отырғанын көріп отыр. Егер адам ізгі іс бастаса, ол  өзі үшін ғана емес, ұлты үшін де пайдалы болуы керек», - Д.Мыңбай.

Аягөз Құрмаш