• Басты
  • З. Қабылдинов қазақстандықтарды әрбір елді мекеннің тарихын жазуға шақырды
25 Тамыз, 2017 18:56

З. Қабылдинов қазақстандықтарды әрбір елді мекеннің тарихын жазуға шақырды

Танымал қазақстандық ғалым, ҚР БҒМ ҒК-нің Ш. Уәлиханов атындағы Тарих және этнология институтының директоры Зиябек Қабылдинов халықаралық «Жаңғыру 3.0: Рухани жаңғыру» ғылыми-тәжірибелік конференциясында сөз сөйлеу барысында отандастарын өз ауылының немесе аймағының тарихын жазуға шақырды.
З. Қабылдинов қазақстандықтарды әрбір елді мекеннің тарихын жазуға шақырды

Рrimeminister.kz хабарлағандай, ғалым Қазақстан тарихын жылдан жылға қайта басып шығара беруге қарсылығын білдірді. 

«Өкінішке орай, біз Қазақстанда ондаған жылдар бойы Қазақстан тарихын бес томда шығарып келеміз: тарих бір баспадан алынып, екіншісінде қайта басылып шығарылуда, ешқандай өңірлік компонент, жаңашылдық жоқ», – деді З. Қабылдинов.  

Ол бұның орнына жекелеген елді мекендердің тарихын жазуды ұсынады. 

«Себебі үлкен Отанға – Қазақстан Республикасына деген махаббат тарихы – адамның кіші Отанына деген махаббатынан бастау алады. Өз ауылының, ауылдық округінің, әкімшілік ауданының, облысының, аймағының тарихын білмей тұрып, Қазақстанның жалпы тарихын ешқашан біле алмайды. Осыған орай, мен барлық қазақстандықтарды өздері туып өскен елді мекеннің тарихын жазуға шақырамын», – деді ғалым.  

З. Қабылдиновтың айтуынша, оның аталған идеясы «Туған жер» бағдарламасының арқасында жүзеге асуы тиіс.

«Ауыл әкімдеріне кәсіби тарихшыларды, жергілікті өлкетанушыларды, түрлі бағыттардағы мамандарды, аға буынның ақпаратшыларын жұмылдырып, өз ауылдарының тарихын жазу туралы тапсырма беру керек. Біз, Тарих және этнология институты, оларға ерте заманнан қазіргі заманға дейінгі тарихты жазудың үлгілік құрылымын ұсына аламыз», – деді З. Қабылдинов. 

Ғалым аталған тарихи очерктердің мазмұны туралы айта отырып, олардың ішінде сол елді мекеннің тарихы, салты мен дәстүрлері, сондай-ақ, еліміз демографиялық соққы алып, аштық, саяси репрессия орын алған 1920 жылдардағы оқиғаларды, қазақстандықтардың Екінші дүниежүзілік соғысқа қатысуы туралы деректерді қамтуы керектігін мәлімдеді. 

Бұдан өзге, З. Қабылдинов өзінің туған өлкесі туралы тарихты жазғаны туралы айтып өтті. 

«Мен 2014 жылы Омбы облысындағы шағын ауылымның тарихын жаздым. Тамаша кітап жазылды. Ресейдің бұрынғы ұжымшар, кеңшар және аудан орталықтарының Орталық мекенжайларында да бұндай кітап жоқ екен. Мен алғашқы қадамды жасадым, біздің бастамамызды Омбының өзге ауылдарының өлкетанушылары қолдады. Осындай жұмыстар Қазақстанда да пайда болуы керек деп ойлаймын», – деп сөзін түйіндеді ғалым.

Фото Шыңғыс Қаппаров

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды