• Басты
  • Қарағанды облысында жеке меншік балабақшаларда мемлекеттік тапсырыс ұлғайтылады

Қарағанды облысында жеке меншік балабақшаларда мемлекеттік тапсырыс ұлғайтылады

25 Тамыз, 2017 12:53
Қарағанды облысында 2018 жылы балабақшаға кезек мәселесін түпкілікті шешу жоспарлануда. Аймақ басшысы Ерлан Қошанов дәстүрлі тамыз конференциясында барлық қалалар мен аудандарда Қарағанды қаласындағы секілді, мектепке дейінгі жекеменшік мекемелерде мемлекеттік тапсырысты ұлғайтуды тапсырды.

«Біздің алдымызда 2019 жылы 3 – 6 жасар балаларды балабақшамен 100% қамтамасыз ету міндеті тұр. Ол үшін жекеменшік балабақшалар жүйесін, оның ішінде мемлекеттік-жекеменшік серіктестік механизмін дамытуға басты назар аударып отырымыз», - деді облыстық білім басқармасының бастығы Асқат Аймағамбетов.

Қарағандыда балалардың мектепке дейінгі жекеменшік мекемелер жүйесі қалыпты дамып отыр. Бұл мемлекеттік тапсырыстың 17 мың теңгеден 26 мың теңгеге өсуіне сөзсіз мүмкіндік туғызады, әрі бірқатар мәлелелерді шешеді. Біріншіден, белгілі бір балалар контингенті балабақшамен қамтамасыз етіледі, әрі сонымен қатар кәсіпкерліктің бұл түрі тұрғындар арасында қызуғушылық туғызады.

Екіншіден, төлемақы мемлекеттік балабақша деңгейіне дейін төмендеп, ата-аналар үшін үлкен қолдау болмақ. Үшіншіден, балабақша кезегі азаяды. Облыс бойынша соңғы екі жылда жекеменшік балабақшалардың саны екі есе, яғни, 21-ден 42-ге дейін өсті.Оларда 3,5мың бала тәрбиеленіп жатыр. Жыл соңына дейін тағы да 3000 орындық 21 жекеменшік балабақша ашу жоспарлануда.

«Осынша орынды балабақша ашу үшін жергілікті бюджеттен 10 млрд теңге қажет болған болар еді», - дейді Асқат Аймағамбетов, мемлекеттік-жекеменшік серіктестіктің тиімділігін көрсетіп. 

Облыс әкімі Қарағанды қаласының бұл оңтайлы тәжірибесін құптады. Бюджеттен мемлекеттік тапсырыс үшін жекеменшік мектепалды мекемелерге 800 млн теңге қаржы бөлінді.

 

Барлық жаңалықтар