«Казақмыс» 2017 жылға қарай метал өндіру көлемін 19 млн тоннаға дейін өсіруді жоспарлауда
«Біздің алдын ала дайындалған бағдарламамыз бойынша, 2016-2017 жылдары қазіргі көрсеткіш бойынша жұмыс істеуді көздеп отырмыз. 2017 жылға қарай Жезқазғанның, Крестовская мен Весовая елді-мекендерінің ауысуы мен коммуникацияның өзгеруінен кейін метал өндіру көлемін арттырмақпыз. Қазіргі кезде 16-17 млн тоннаны жоспарлап отырсақ, 19 млн-ға қол жеткізбекпіз», - дейді Б.Қырықпышев.
Сонымен қатар, корпорацияның бас директорының айтуынша, рудадағы мыс құрамының азаюына байланысты катод мысы өндірісі бұрынғы деңгейде қала бермек.
«Қазіргі таңда Жезқазған аумағы бойынша аталмыш өндірістің өз құны 7800-ді құрайды, ал біз 7000-ға сатудамыз. Осы аумақтың өзінен біз тоннасына 800 доллардан жоғалтып отырмыз», - деді ол.
Қырықпышевтың мәліметінше, «егер қазірде корпорацияғ мемлекет тарапынан көмек көрсетілмесе, екі жылдан кейін Жезқазған кен орнын жоғалтып алу қаупі туындамақ».
«70 жылдай уақыт жұмыс істеген өндіріс орны әлі де кіріс әкелу қуатына ие. Сол себепті де жыл санап кен орны тереңдеген үстіне тереңдеп келеді», - деді бас директор.
