• Главная
  • Қазақстандық павильонда миллионыншы келуші тіркелді
24 августа, 2017 19:13

Қазақстандық павильонда миллионыншы келуші тіркелді

Қазақстанның "Нұр Әлем" ұлттық павильонында миллионыншы келуші тіркелді, деп хабарлады "Астана ЭКСПО-2017" ҰК" АҚ баспасөз қызметі.
Қазақстандық павильонда миллионыншы келуші тіркелді

Көрме ашылғаннан бастап бүгінгі күнге дейін "Нұр Әлем" павильоны ЭКСПО-2017 көрмесінде келушілері ең көп нысандар арасынан көшбасшы орын алады. Күн сайын ол 10-нан 28 мың келушіге дейін қабылдайды. Көрме жұмысы басталғаннан бері ЭКСПО-2017 көрмесінің басты көрікті жерін 50-ге жуық президент пен үкімет басшылары көрген. 

Қазақстанның "Нұр Әлем" ұлттық павильоны көрменің сәулет символы болып табылады. Бұл әлемдегі ең үлкен сфералық ғимарат, оның диаметрі 80 метр, биіктігі 100 метр. Құрылымның бірегейлігі оның әлемде толық сфера пішініндегі алғашқы ғимарат болып табылатынында. Сондай-ақ сфераның жоғарғы бөлігінде ғимаратты энергиямен ішінара қамтамасыз ететін 2 жел генераторы қарастырылған. 

Көрмеден кейінгі пайдалану тұжырымдамасына сәйкес, "Астана ЭКСПО-2017" көрмесі аяқталғаннан кейін "Нұр Әлем" "Болашақ музейіне" айналып, өз жұмысын туристік объект ретінде жалғастырмақ.