Халықаралық интеграция

Алматы мен Австрия арасындағы тауар айналымы қарқынды дамуда

Алматы әкімі Бауыржан Байбек Австрия Республикасының ғылым, зерттеу және экономика вице-министрі Бернадетте Гирлингер бастаған австриялық делегациямен кездесті, деп хабарлады қала әкімдігінің баспасөз қызметі.
Алматы қаласы 24 Тамыз, 16:59

Кездесу барысында тараптар ғылым-білім және сауда-экономикалық байланыстарды нығайту мәселелерін талқылады.

Алматы әкімі Австрия Еуропадағы мықты жаңашылдардың бірі екенін, қалпына келтірілген энергия көздерін пайдалану саласында озық технологияларды игергенін және тау шаңғысы туризмін дамытуда мол тәжірибе жинақтағанын атап өтті.

Өз кезегінде Б.Гирлингер австриялық бизнесмендердің «Алматы 2020» даму бағдарламасына, соның ішінде ТҮКШ модернизациялауға, көлік жүйесін реформалауға, ТҚҚ өңдеуге және туризмге қызығушылық танытқандарын жеткізді.

Жалпы, Алматыда сауда, медицина, қаржы, туризм саласында австриялық капиталмен 50 кәсіпорын жұмыс істейді. Биылғы жылы Алматы мен Австрия арасындағы тауар айналымында оң динамика байқалды, соның арқасында бірінші жартыжылдықта 25,5 млн. евроға қол жетті.

 

 

 





Яндекс.Метрика