Ақмола облысында елорда айналасында азық-түлік белдеуін құру аясында 10 жоба іске асырылды
6 Қаңтар, 2014 17:42
Елорда айналасында азық-түлік белдеуін құру аясында Ақмола облысында 10 жоба іске асырылды, деп хабарлайды облыс әкімдігінің баспасөз қызметі.
«Елорда айналасында азық-түлік белдеуін құру аясында Ақмола облысында жалпы құны 9,6 млрд теңгелік 10 жоба іске асырылды. Соның ішінде 4 жоба мал шаруашылығы өнімін қайта өңдеу мен өндіруге бағытталған», - делінген хабарламада.
Жалпы, 2013 жылдың қаңтар-қараша айлары аралығында елорда нарығына 59 тоннадан астам сүт өнімі, 15 мың тоннадан астам ет өнімі мен 157 млн жұмыртқа жеткізілген.
