Ақмолалық кәсіпкерлер Польшадағы IV Шығыс экономикалық конгресіне қатысады

24 Тамыз, 2017 11:31

Подляск воеводствосының (Польша Республикасы) делегациясы Көкшетау қаласына жұмыс сапары барысында өңірдің экономикалық әлеуетімен таныстырды, деп хабарлады Ақмола облысының әкімдігі.

Ақмола облысы әкімінің орынбасары Асхат Қайнарбеков Подляск воеводствосы басқармасының өкілдерімен жиналыс барысында өңірдің инвесторлар үшін тартымдылығы туралы айтып берді.

Кездесу барысында тараптар ауыл шаруашылығы және коммуналдық машиналарды, сондай-ақ қалдықтарды жою мен қоқыстарды өңдеу техникасын өткізу мүмкіндігін талқылады. Бұдан бөлек, Польша өкілдері ауыл шаруашылығы, құрылыс, жиһаз өндіру саласында ынтымақтастық жасауға ниет білдіруде. Польша өкілдері органикалық тамақ өнімдері өндірісі саласына ерекше қызығушылық білдірді.

Ақмола облысының әкімшілігі мен жергілікті кәсіпкерлер 2017 жылғы 27-28 қыркүйекте Белосток қаласында өтетін IV Шығыс экономикалық конгресіне қатысуға шақыру алды.

Подляск Воеводствосы басқармасының мүшесі Богдан Дыюк айтып өткендей, Шығыс экономикалық конгресі - Шығыс Польшаның экономикалық әлеуетінің перспективалары туралы ірі экономикалық конференция. Жыл сайын Конгреске Шығыс Польшаның ірі кәсіпкерлері, Польша мен шет елдердің инвесторлары мен менеджерлері, саясаткерлер, ғалымдар, жергілікті өзін-өзі басқару өкілдері қатысады.

Жиыннан кейін делегация Достық үйінде және «Новопэк» компаниясында болды. Кәсіпорын басшылығы Конгреске қатысуға шақыруды қабылдады.