ҚТЖ-да өртті алдын-ала анықтауға арналған аспирациялық жүйе таныстырылды
«Аспирациялық түтінді сезгіш жүйесі өрттің ерте алдын алуға қызмет етеді. Ол өз кезегінде өрт жағдайын ерте анықтап, жедел сөндіруге мүмкіндік әпереді. Кәсіпорындардағы электр құралдарын, тарату қондырғыларын, локомотивтердегі дизельдік электрлік тартым сонымен қатар жылжымалы құрам соңғы үлгідегі өрттен қорғау құралдарымен қамтылған», - делінген хабарламада.
«ҚТЖ» ҰК» АҚ бас инженері Батыр Қотыревтің айтуынша, теміржол көлігіндегі өрттен қорғаудың соңғы үлгідегі жүйесі апатсыз қызмет етуге жәрдемдеседі.
«Теміржолдағы өрт қауіпсіздігі жүк тасымалының сақталуына және қызмет ететін адамдардың, жолаушылардың қауіпсіздігін қамтамасыз етеді»,-дейді ол.
Тұсаукесер рәсімі кезінде газдың әсерінен болған өрт салдарын автоматты қондырғымен өшіру оқиғасы қаралды. КОNSEL компаниясының құрылғысымен отандық өндірістен шыққан сертификатталған өнім ұсынылды. Магистральдегі инфрақұрылым нысандарын өрттен қорғау қауіпсіздігі қамтамасыз етілетін болады.
